കാലികളെയും അവന് സൃഷ്ടിച്ചിരിക്കുന്നു. നിങ്ങള്ക്ക് അവയില് തണുപ്പകറ്റാനുള്ള
(കമ്പിളി) വസ്ത്രമുണ്ട്. മറ്റു പ്രയോജനങ്ങളുമുണ്ട്. അവയില് നിന്ന് തന്നെ നിങ്ങള് ഭക്ഷിക്കുകയും
ചെയ്യുന്നു.
ശാരീരിക ക്ലേശത്തോടു കൂടിയല്ലാതെ നിങ്ങള്ക്ക് ചെന്നെത്താനാകാത്ത നാട്ടിലേക്ക് അവ
നിങ്ങളുടെ ഭാരങ്ങള് വഹിച്ചുകൊണ്ടുപോകുകയും ചെയ്യുന്നു. തീര്ച്ചയായും നിങ്ങളുടെ രക്ഷിതാവ് ഏറെ ദയയുള്ളവനും
കരുണാനിധിയുമാകുന്നു.
നേരായ വഴി കാണിച്ചുതരിക എന്നത് അല്ലാഹുവിന്റെ ബാധ്യതയാകുന്നു. അവയുടെ
കൂട്ടത്തില് പിഴച്ച വഴികളുമുണ്ട്. അവന് ഉദ്ദേശിച്ചിരുന്നുവെങ്കില് നിങ്ങളെയെല്ലാം അവന്
നേര്വഴിയിലാക്കുമായിരുന്നു.
അവനാണ് ആകാശത്തുനിന്ന് വെള്ളം ചൊരിഞ്ഞുതന്നത്. അതില് നിന്നാണ് നിങ്ങളുടെ
കുടിനീര്. അതില് നിന്നുതന്നെയാണ് നിങ്ങള് (കാലികളെ) മേയ്ക്കുവാനുള്ള സസ്യങ്ങളുണ്ടാകുന്നത്.
കടലിനെ വിധേയമാക്കിയവനും അവന് തന്നെ. നിങ്ങള്ക്കതില് നിന്ന് പുതിയ മാംസം
എടുത്ത് തിന്നുവാനും നിങ്ങള്ക്ക് അണിയാനുള്ള ആഭരണങ്ങള് പുറത്തെടുക്കുവാനും വേണ്ടി. കപ്പലുകള് അതിലൂടെ
വെള്ളം പിളര്ത്തിക്കൊണ്ട് ഓടുന്നത് നിനക്ക് കാണാം. അല്ലാഹുവിന്റെ അനുഗ്രഹത്തില് നിന്ന് നിങ്ങള്
തേടുവാനും നിങ്ങള് നന്ദികാണിക്കുവാനും വേണ്ടിയാണത്.
ഭൂമി നിങ്ങളെയും കൊണ്ട് ഇളകാതിരിക്കുവാനായി അതില് ഉറച്ചുനില്ക്കുന്ന
പര്വ്വതങ്ങള് അവന് സ്ഥാപിച്ചിരിക്കുന്നു. നിങ്ങള്ക്ക് വഴി കണ്ടെത്താന് വേണ്ടി നദികളും പാതകളും (അവന്
ഏര്പ്പെടുത്തുകയും ചെയ്തു.)
അല്ലാഹുവിന്റെ അനുഗ്രഹം നിങ്ങള് എണ്ണുകയാണെങ്കില് നിങ്ങള്ക്കതിന്റെ
കണക്കെടുക്കാനാവില്ല. തീര്ച്ചയായും അല്ലാഹു ഏറെ പൊറുക്കുന്നവനും കരുണാനിധിയും തന്നെ.
ഉയിര്ത്തെഴുന്നേല്പിന്റെ നാളില് തങ്ങളുടെ പാപഭാരങ്ങള് മുഴുവനായിട്ടും,
വിവരമില്ലാതെ തങ്ങള് വഴിപിഴപ്പിച്ചുകൊണ്ടിരിക്കുന്നവരുടെ പാപഭാരങ്ങളില് ഒരു ഭാഗവും അവര് വഹിക്കാന്
വേണ്ടിയത്രെ അത്. ശ്രദ്ധിക്കുക: അവര് പേറുന്ന ആ ഭാരം എത്ര മോശം!
അവരുടെ മുമ്പുള്ളവരും കുതന്ത്രം പ്രയോഗിച്ചിട്ടുണ്ട്. അപ്പോള് അവര്
കെട്ടിപ്പൊക്കിയതിന്റെ അടിത്തറകള്ക്ക് അല്ലാഹു (നാശം) വരുത്തി. അങ്ങനെ അവരുടെ മുകള്ഭാഗത്തുനിന്ന്
മേല്ക്കൂര അവരുടെ മേല് തകര്ന്നുവീണു. അവര് ഓര്ക്കാത്ത ഭാഗത്തുകൂടി ശിക്ഷ അവര്ക്ക് വന്നെത്തുകയും
ചെയ്തു.
പിന്നെ ഉയിര്ത്തെഴുന്നേല്പിന്റെ നാളില് അവന് അവര്ക്ക് അപമാനം വരുത്തുകയും,
എനിക്ക് പങ്കുകാരുണ്ടെന്ന് വാദിച്ചുകൊണ്ട് നിങ്ങള് തര്ക്കിച്ചുകൊണ്ടിരുന്നവര് എവിടെ? എന്ന് ചോദിക്കുകയും
ചെയ്യും. അറിവ് നല്കപ്പെട്ടവര് പറയും: ഇന്ന് അപമാനവും ശിക്ഷയും സത്യനിഷേധികള്ക്കാകുന്നു; തീര്ച്ച.
തങ്ങളോട് തന്നെ അക്രമം ചെയ്തുകൊണ്ടിരിക്കെ മലക്കുകള് ജീവിതം
അവസാനിപ്പിക്കുന്നവരാരോ അവര്ക്ക്. ഞങ്ങള് യാതൊരു തിന്മയും ചെയ്തിരുന്നില്ല എന്ന് പറഞ്ഞുകൊണ്ട് അന്നേരം
അവര് കീഴ്വണക്കം പ്രകടിപ്പിക്കും. അങ്ങനെയല്ല, തീര്ച്ചയായും അല്ലാഹു നിങ്ങള്
പ്രവര്ത്തിച്ചുകൊണ്ടിരുന്നതിനെപ്പറ്റി അറിയുന്നവനാകുന്നു.
നിങ്ങളുടെ രക്ഷിതാവ് എന്താണ് അവതരിപ്പിച്ചത് എന്ന് സൂക്ഷ്മത പാലിച്ചവരോട്
ചോദിക്കപ്പെട്ടു. അവര് പറഞ്ഞു: ഉത്തമമായത് തന്നെ. നല്ലത് ചെയ്തവര്ക്ക് ഈ ലോകത്ത് നല്ല ഫലമുണ്ട്.
പരലോകഭവനമാകട്ടെ കൂടുതല് ഉത്തമമാകുന്നു. സൂക്ഷ്മത പാലിക്കുന്നവരുടെ ഭവനം എത്രയോ നല്ലത്!
അതായത് അവര് പ്രവേശിക്കുന്ന സ്ഥിരവാസത്തിനുള്ള സ്വര്ഗ്ഗത്തോപ്പുകള്. അവയുടെ
താഴ്ഭാഗത്തുകൂടി അരുവികള് ഒഴുകിക്കൊണ്ടിരിക്കും. അവര്ക്ക് അവിടെ ഉദ്ദേശിക്കുന്നതെന്തും ഉണ്ടായിരിക്കും.
അപ്രകാരമാണ് സൂക്ഷ്മത പാലിക്കുന്നവര്ക്ക് അല്ലാഹു പ്രതിഫലം നല്കുന്നത്.
മലക്കുകള് തങ്ങളുടെ അടുക്കല് വരുന്നതോ, നിന്റെ രക്ഷിതാവിന്റെ കല്പന വരുന്നതോ
അല്ലാതെ മറ്റുവല്ലതും അവര് കാത്തിരിക്കുന്നുണ്ടോ? അപ്രകാരം തന്നെയാണ് അവര്ക്ക് മുമ്പുള്ളവരും ചെയ്തത്.
അല്ലാഹു അവരോട് അക്രമം ചെയ്തിട്ടില്ല. പക്ഷെ, അവര് തങ്ങളോട് തന്നെ അക്രമം ചെയ്യുകയായിരുന്നു.
ബഹുദൈവാരാധകര് പറഞ്ഞു: അല്ലാഹു ഉദ്ദേശിച്ചിരുന്നെങ്കില് ഞങ്ങളോ ഞങ്ങളുടെ
പിതാക്കളോ അവന് പുറമെ യാതൊന്നിനെയും ആരാധിക്കുമായിരുന്നില്ല. അവന്റെ കല്പന കൂടാതെ ഞങ്ങള് യാതൊന്നും
നിഷിദ്ധമാക്കുമായിരുന്നില്ല. അതുപോലെ തന്നെ അവര്ക്ക് മുമ്പുള്ളവരും ചെയ്തിട്ടുണ്ട്. ദൂതന്മാരുടെ മേല്
വ്യക്തമായ പ്രബോധനമല്ലാതെ മറ്റുവല്ല ബാധ്യതയുമുണ്ടോ?
തീര്ച്ചയായും ഓരോ സമുദായത്തിലും നാം ദൂതനെ നിയോഗിച്ചിട്ടുണ്ട്; നിങ്ങള്
അല്ലാഹുവെ ആരാധിക്കുകയും ദുര്മൂര്ത്തികളെ വെടിയുകയും ചെയ്യണം എന്ന് (പ്രബോധനം ചെയ്യാന്). എന്നിട്ട്
അവരില് ചിലരെ അല്ലാഹു നേര്വഴിയിലാക്കി. ചിലരുടെ മേല് വഴികേട് സ്ഥിരപ്പെടുകയും ചെയ്തു. ആകയാല് നിങ്ങള്
ഭൂമിയിലൂടെ സഞ്ചരിച്ചിട്ട് നിഷേധിച്ചുതള്ളിക്കളഞ്ഞവരുടെ പര്യവസാനം എപ്രകാരമായിരുന്നു എന്ന് നോക്കുക.
അവര് സന്മാര്ഗ്ഗത്തിലാകാന് നീ കൊതിക്കുന്നുണ്ടെങ്കില് (അറിയുക:) താന്
വഴികേടിലാക്കുന്നവരെ അല്ലാഹു നേര്വഴിയിലാക്കുകയില്ല; തീര്ച്ച. അവര്ക്ക് സഹായികളായി ആരും ഉണ്ടാവുകയുമില്ല.
മരണപ്പെടുന്നവരെ അല്ലാഹു ഉയിര്ത്തെഴുന്നേല്പിക്കുകയില്ല എന്ന് അവര്
അല്ലാഹുവിന്റെ പേരില് തങ്ങളാലാവുംവിധം ഉറപ്പിച്ചു സത്യം ചെയ്തു പറഞ്ഞു. അങ്ങനെയല്ല, അത് അവന് ബാധ്യതയേറ്റ
സത്യവാഗ്ദാനമാകുന്നു. പക്ഷെ മനുഷ്യരില് അധികപേരും മനസ്സിലാക്കുന്നില്ല.
ഏതൊരു കാര്യത്തില് അവര് ഭിന്നത പുലര്ത്തുന്നുവോ അതവര്ക്ക്
വ്യക്തമാക്കിക്കൊടുക്കാനും, തങ്ങള് കള്ളം പറയുന്നവരായിരുന്നു എന്ന് സത്യനിഷേധികള് മനസ്സിലാക്കാനും
വേണ്ടിയത്രെ അത്.
അക്രമത്തിന് വിധേയരായതിന് ശേഷം അല്ലാഹുവിന്റെ മാര്ഗ്ഗത്തില് ഹിജ്റ പോയവരാരോ,
അവര്ക്ക് ഇഹലോകത്ത് നാം നല്ല താമസമൊരുക്കിക്കൊടുക്കുക തന്നെ ചെയ്യും. പരലോകത്തെ പ്രതിഫലം തന്നെയാണ് ഏറ്റവും
മഹത്തായത്. അവര് അത് അറിഞ്ഞിരുന്നുവെങ്കില്!
നിനക്ക് മുമ്പ് മനുഷ്യന്മാരെയല്ലാതെ നാം ദൂതന്മാരായി നിയോഗിച്ചിട്ടില്ല. അവര്ക്ക്
നാം സന്ദേശം നല്കുന്നു. നിങ്ങള്ക്കറിഞ്ഞുകൂട എങ്കില് വേദം നല്കപ്പെട്ടവരോട് നിങ്ങള് ചോദിച്ചുനോക്കുക.
വ്യക്തമായ തെളിവുകളും വേദഗ്രന്ഥങ്ങളുമായി (അവരെ നാം നിയോഗിച്ചു). ജനങ്ങള്ക്കായി
അവതരിപ്പിക്കപ്പെട്ടത് നീ അവര്ക്ക് വിവരിച്ചുകൊടുക്കാനും അവര് ചിന്തിക്കാനും വേണ്ടി നിനക്ക് നാം ഈ
ഉല്ബോധനം (ഖുര്ആന്) അവതരിപ്പിച്ചുതന്നിരിക്കുന്നു.
എന്നാല് ദുഷിച്ച കുതന്ത്രങ്ങള് പ്രയോഗിച്ചവര്, അല്ലാഹു അവരെ ഭൂമിയില്
ആഴ്ത്തിക്കളയുകയില്ലെന്നോ, അവര് ഓര്ക്കാത്ത ഭാഗത്തുകൂടി ശിക്ഷ വന്നെത്തുകയില്ലെന്നോ
നിര്ഭയരായിരിക്കുകയാണോ?
നിങ്ങള്ക്ക് ലഭിച്ച ഏതൊരു അനുഗ്രഹവും അല്ലാഹുവിങ്കല് നിന്നുള്ളതാകുന്നു.
പിന്നീട് നിങ്ങള്ക്കൊരു കഷ്ടത ബാധിച്ചാല് അവങ്കലേക്ക് തന്നെയാണ് നിങ്ങള് മുറവിളികൂട്ടുന്നത്.
നാം അവര്ക്ക് നല്കിയ വിഭവങ്ങളില് നിന്ന്, തങ്ങള്ക്ക് യാതൊരു
അറിവുമില്ലാത്തവയ്ക്ക് (വ്യാജദൈവങ്ങള്ക്ക്) അവര് ഒരു ഓഹരി നിശ്ചയിക്കുന്നു. അല്ലാഹുവെ തന്നെയാണ് സത്യം,
നിങ്ങള് കെട്ടിച്ചമച്ചുകൊണ്ടിരിക്കുന്നതിനെപ്പറ്റി തീര്ച്ചയായും നിങ്ങള് ചോദ്യം ചെയ്യപ്പെടും.
അവന്ന് സന്തോഷവാര്ത്ത നല്കപ്പെട്ട ആ കാര്യത്തിലുള്ള അപമാനത്താല് ആളുകളില്
നിന്ന് അവന് ഒളിച്ച് കളയുന്നു. അപമാനത്തോടെ അതിനെ വെച്ചുകൊണ്ടിരിക്കണമോ, അതല്ല, അതിനെ മണ്ണില് കുഴിച്ച്
മൂടണമോ (എന്നതായിരിക്കും അവന്റെ ചിന്ത) ശ്രദ്ധിക്കുക: അവര് എടുക്കുന്ന തീരുമാനം എത്ര മോശം!
അല്ലാഹു മനുഷ്യരെ അവരുടെ അക്രമം മൂലം (ഉടനടി) പിടികൂടിയിരുന്നെങ്കില് ഭൂമുഖത്ത്
യാതൊരു ജന്തുവെയും അവന് വിട്ടേക്കുമായിരുന്നില്ല. എന്നാല് നിര്ണിതമായ ഒരു അവധി വരെ അവന് അവര്ക്ക് സമയം
നീട്ടികൊടുക്കുകയാണ് ചെയ്യുന്നത്. അങ്ങനെ അവരുടെ അവധി വന്നാല് ഒരു നാഴിക നേരം പോലും അവര്ക്ക്
വൈകിക്കാന് ആവുകയില്ല. അവര്ക്കത് നേരെത്തെയാക്കാനും കഴിയില്ല.
അവര്ക്ക് ഇഷ്ടമില്ലാത്തതിനെ അവര് അല്ലാഹുവിന് നിശ്ചയിക്കുന്നു. ഏറ്റവും
ഉത്തമായിട്ടുള്ളതെന്തോ അത് തങ്ങള്ക്കുള്ളതാണെന്ന് അവരുടെ നാവുകള് വ്യാജവര്ണന നടത്തുകയും ചെയ്യുന്നു.
ഒട്ടും സംശയമില്ല. അവര്ക്കുള്ളത് നരകം തന്നെയാണ്. അവര് (അങ്ങോട്ട്) മുമ്പില് നയിക്കപ്പെടുന്നതാണ്.
അല്ലാഹുവെ തന്നെയാണ, താങ്കള്ക്ക് മുമ്പ് പല സമുദായങ്ങളിലേക്കും നാം ദൂതന്മാരെ
അയച്ചിട്ടുണ്ട്. എന്നാല് പിശാച് അവര്ക്ക് അവരുടെ (ദുഷ്) പ്രവര്ത്തനങ്ങള് അലങ്കാരമായി
തോന്നിക്കുകയാണ് ചെയ്തത്. അങ്ങനെ അവനാണ് ഇന്ന് അവരുടെ മിത്രം. അവര്ക്കുള്ളതാകട്ടെ വേദനാജനകമായ
ശിക്ഷയാണ് താനും.
അവര് ഏതൊരു കാര്യത്തില് ഭിന്നിച്ച് പോയിരിക്കുന്നുവോ, അതവര്ക്ക്
വ്യക്തമാക്കികൊടുക്കുവാന് വേണ്ടിയും, വിശ്വസിക്കുന്ന ജനങ്ങള്ക്ക് മാര്ഗദര്ശനവും കാരുണ്യവും
ആയിക്കൊണ്ടും മാത്രമാണ് നിനക്ക് നാം വേദഗ്രന്ഥം അവതരിപ്പിച്ച് തന്നത്.
അല്ലാഹു ആകാശത്ത് നിന്ന് വെള്ളം ചൊരിഞ്ഞുതരികയും, അത് മൂലം ഭൂമിയെ- അത്
നിര്ജീവമായികിടന്നതിന് ശേഷം- അവന് സജീവമാക്കുകയും ചെയ്തു. കേട്ട് മനസ്സിലാക്കുന്ന ആളുകള്ക്ക്
തീര്ച്ചയായും അതില് ദൃഷ്ടാന്തമുണ്ട്.
കാലികളുടെ കാര്യത്തില് തീര്ച്ചയായും നിങ്ങള്ക്ക് ഒരു പാഠമുണ്ട്. അവയുടെ
ഉദരങ്ങളില് നിന്ന്- കാഷ്ഠത്തിനും രക്തത്തിനും ഇടയില് നിന്ന് കുടിക്കുന്നവര്ക്ക് സുഖദമായ ശുദ്ധമായ
പാല് നിങ്ങള്ക്കു കുടിക്കുവാനായി നാം നല്കുന്നു.
പിന്നെ എല്ലാതരം ഫലങ്ങളില് നിന്നും നീ ഭക്ഷിച്ച് കൊള്ളുക. എന്നിട്ട് നിന്റെ
രക്ഷിതാവ് സൗകര്യപ്രദമായി ഒരുക്കിത്തന്നിട്ടുള്ള മാര്ഗങ്ങളില് നീ പ്രവേശിച്ച് കൊള്ളുക. അവയുടെ
ഉദരങ്ങളില് നിന്ന് വ്യത്യസ്ത വര്ണങ്ങളുള്ള പാനീയം പുറത്ത് വരുന്നു. അതില് മനുഷ്യര്ക്ക് രോഗശമനം
ഉണ്ട്. ചിന്തിക്കുന്ന ആളുകള്ക്ക് തീര്ച്ചയായും അതില് ദൃഷ്ടാന്തമുണ്ട്.
അല്ലാഹുവാണ് നിങ്ങളെ സൃഷ്ടിച്ചത്. പിന്നീട് അവന് നിങ്ങളെ മരിപ്പിക്കുന്നു.
നിങ്ങളില് ചിലര് ഏറ്റവും അവശമായ പ്രായത്തിലേക്ക് തള്ളപ്പെടുന്നു; (പലതും) അറിഞ്ഞതിന് ശേഷം യാതൊന്നും
അറിയാത്ത അവസ്ഥയില് എത്തത്തക്കവണ്ണം. തീര്ച്ചയായും അല്ലാഹു എല്ലാം അറിയുന്നവനും എല്ലാ
കഴിവുമുള്ളവനുമാകുന്നു.
അല്ലാഹു നിങ്ങളില് ചിലരെ മറ്റു ചിലരെക്കാള് ഉപജീവനത്തിന്റെ കാര്യത്തില്
മെച്ചപ്പെട്ടവരാക്കിയിരിക്കുന്നു. എന്നാല് മെച്ചം ലഭിച്ചവര് തങ്ങളുടെ ഉപജീവനം തങ്ങളുടെ വലതുകൈകള്
അധീനപ്പെടുത്തിവെച്ചിട്ടുള്ളവര്ക്ക് വിട്ടുകൊടുക്കുകയും, അങ്ങനെ ഉപജീവനത്തില് അവര് തുല്യരാകുകയും
ചെയ്യുന്നില്ല. അപ്പോള് അല്ലാഹുവിന്റെ അനുഗ്രഹത്തെയാണോ അവര് നിഷേധിക്കുന്നത്?
അല്ലാഹു നിങ്ങള്ക്ക് നിങ്ങളുടെ കൂട്ടത്തില് നിന്ന് തന്നെ ഇണകളെ
ഉണ്ടാക്കുകയും, നിങ്ങളുടെ ഇണകളിലൂടെ അവന് നിങ്ങള്ക്ക് പുത്രന്മാരെയും പൌത്രന്മാരെയും
ഉണ്ടാക്കിത്തരികയും, വിശിഷ്ട വസ്തുക്കളില് നിന്നും അവന് നിങ്ങള്ക്ക് ഉപജീവനം നല്കുകയും
ചെയ്തിരിക്കുന്നു. എന്നിട്ടും അവര് അസത്യത്തില് വിശ്വസിക്കുകയും, അല്ലാഹുവിന്റെ അനുഗ്രഹത്തെ
നിഷേധിക്കുകയുമാണോ ചെയ്യുന്നത്?
ആകാശങ്ങളില് നിന്നോ ഭൂമിയില് നിന്നോ അവര്ക്ക് വേണ്ടി യാതൊരു ഭക്ഷണവും
അധീനപ്പെടുത്തികൊടുക്കാത്തവരും, കഴിയാത്തവരുമായിട്ടുള്ളവരെയാണ് അല്ലാഹുവിന് പുറമെ അവര് ആരാധിക്കുന്നത്.
മറ്റൊരാളുടെ ഉടമസ്ഥതയിലുള്ള, യാതൊന്നിനും കഴിവില്ലാത്ത ഒരു അടിമയെയും, നമ്മുടെ
വകയായി നാം നല്ല ഉപജീവനം നല്കിയിട്ട് അതില് നിന്ന് രഹസ്യമായും പരസ്യമായും ചെലവഴിച്ച് കൊണ്ടിരിക്കുന്ന
ഒരാളെയും അല്ലാഹു ഉപമയായി എടുത്തുകാണിക്കുന്നു. ഇവര് തുല്യരാകുമോ? അല്ലാഹുവിന് സ്തുതി. പക്ഷെ, അധികപേരും
മനസ്സിലാക്കുന്നില്ല.
രണ്ട് പുരുഷന്മാരെ അല്ലാഹു ഉപമയായി എടുത്തുകാണിക്കുന്നു. അവരില് ഒരാള്
യാതൊന്നിനും കഴിവില്ലാത്ത ഊമയാകുന്നു. അവന് തന്റെ യജമാനന് ഒരു ഭാരവുമാണ്. അവനെ എവിടേക്ക്
തിരിച്ചുവിട്ടാലും അവന് യാതൊരു നന്മയും കൊണ്ട് വരില്ല. അവനും, നീതി കാണിക്കാന് കല്പിക്കുന്നവനും
തുല്യരാകുമോ?
അല്ലാഹുവിന്നാണ് ആകാശങ്ങളിലെയും ഭൂമിയിലെയും അദൃശ്യജ്ഞാനമുള്ളത്.
അന്ത്യസമയത്തിന്റെ കാര്യം കണ്ണ് ഇമവെട്ടും പോലെ മാത്രമാകുന്നു. തീര്ച്ചയായും അല്ലാഹു ഏത് കാര്യത്തിനും
കഴിവുള്ളവനാകുന്നു.
നിങ്ങളുടെ മാതാക്കളുടെ ഉദരങ്ങളില് നിന്ന് നിങ്ങള്ക്ക് യാതൊന്നും അറിഞ്ഞ്
കൂടാത്ത അവസ്ഥയില് അല്ലാഹു നിങ്ങളെ പുറത്ത് കൊണ്ട് വന്നു. നിങ്ങള്ക്കു അവന് കേള്വിയും കാഴ്ചകളും
ഹൃദയങ്ങളും നല്കുകയും ചെയ്തു. നിങ്ങള് നന്ദിയുള്ളവരായിരിക്കാന് വേണ്ടി.
അന്തരീക്ഷത്തില് വിധേയമായികൊണ്ടു പറക്കുന്ന പക്ഷികളുടെ നേര്ക്ക് അവര്
നോക്കിയില്ലേ? അല്ലാഹു അല്ലാതെ ആരും അവയെ താങ്ങി നിര്ത്തുന്നില്ല. വിശ്വസിക്കുന്ന ജനങ്ങള്ക്ക്
തീര്ച്ചയായും അതില് ദൃഷ്ടാന്തങ്ങളുണ്ട്.
അല്ലാഹു താന് സൃഷ്ടിച്ച വസ്തുക്കളില് നിന്നു നിങ്ങള്ക്കു
തണലുകളുണ്ടാക്കിത്തരികയും, പര്വ്വതങ്ങളില് അവന് അഭയ കേന്ദ്രങ്ങളുണ്ടാക്കുകയും ചെയ്തിരിക്കുന്നു. ചൂടില്
നിന്നു കാത്തുരക്ഷിക്കുന്ന ഉടുപ്പുകളും, കവചങ്ങളും അവന് നിങ്ങള്ക്കു നല്കിയിരിക്കുന്നു.
ഓരോ സമുദായത്തിലും ഓരോ സാക്ഷിയെ നാം നിയോഗിക്കുകയും, നിന്നെ സാക്ഷിയായി നാം
കൊണ്ട് വരികയും ചെയ്യുന്ന ദിവസം എല്ലാകാര്യത്തിനും വിശദീകരണമായി നിനക്ക് നാം വേദഗ്രന്ഥം
അവതരിപ്പിച്ചിരിക്കുന്നു.
തീര്ച്ചയായും അല്ലാഹു കല്പിക്കുന്നത് നീതി പാലിക്കുവാനും നന്മചെയ്യുവാനും
കുടുംബബന്ധമുള്ളവര്ക്ക് നല്കുവാനുമാണ്. നിങ്ങള് ചിന്തിച്ചു ഗ്രഹിക്കുവാന് വേണ്ടി അവന് നിങ്ങള്ക്കു
ഉപദേശം നല്കുന്നു.
നിങ്ങള് കരാര് ചെയ്യുന്ന പക്ഷം അല്ലാഹുവിന്റെ കരാര് നിറവേറ്റുക. സത്യം
ചെയ്തശേഷം അത് ലംഘിക്കരുത്. തീര്ച്ചയായും അല്ലാഹു നിങ്ങള് പ്രവർത്തിച്ച് കൊണ്ടിരിക്കുന്നത് അറിയുന്നു.
നിങ്ങളുടെ അടുക്കലുള്ളത് തീര്ന്ന് പോകും. അല്ലാഹുവിങ്കലുള്ളത്
അവശേഷിക്കുന്നതത്രെ. ക്ഷമ കൈക്കൊണ്ടവര്ക്ക് ഉത്തമമായ പ്രതിഫലം നാം നല്കുക തന്നെ ചെയ്യും.
ഒരു വേദവാക്യത്തിന്റെ സ്ഥാനത്ത് മറ്റൊരു വേദവാക്യം നാം പകരം വെച്ചാല് അവര്
പറയും: നീ കെട്ടിച്ചമച്ചു പറയുന്നവന് മാത്രമാകുന്നു എന്ന്. അല്ല, അധികപേരും മനസ്സിലാക്കുന്നില്ല.
പിന്നെ, തീര്ച്ചയായും നിന്റെ രക്ഷിതാവിന്റെ സഹായം മര്ദ്ദനത്തിന് ഇരയായ
ശേഷം സ്വദേശം വെടിഞ്ഞ് പോകുകയും, അനന്തരം സമരത്തില് ഏര്പെടുകയും, ക്ഷമിക്കുകയും
ചെയ്തവര്ക്കായിരിക്കും. തീര്ച്ചയായും നിന്റെ രക്ഷിതാവ് അതിനു ശേഷം ഏറെ പൊറുക്കുന്നവനും
കരുണാനിധിയുമാകുന്നു.
ഓരോ വ്യക്തിയും തന്റെ സ്വന്തം കാര്യത്തിനായി വാദിച്ച് കൊണ്ടുവരുന്ന, ഓരോ
വ്യക്തിക്കും താന് പ്രവര്ത്തിച്ചതെന്തോ അത് നിറവേറ്റികൊടുക്കപ്പെടുന്ന, അവര് അനീതിക്ക്
വിധേയരാകാത്ത ഒരു ദിവസത്തില്.
അല്ലാഹു ഒരു രാജ്യത്തെ ഉപമയായി എടുത്തുകാണിക്കുകയാകുന്നു. അത് സുരക്ഷിതവും
ശാന്തവുമായിരുന്നു. അതിലെ ആവശ്യത്തിനുള്ള ഭക്ഷണം എല്ലായിടത്തുനിന്നും സമൃദ്ധമായി അവിടെ
എത്തിക്കൊണ്ടിരിക്കും. എന്നിട്ട് ആ രാജ്യം അല്ലാഹുവിന്റെ അനുഗ്രഹങ്ങളെ നിഷേധിച്ചു. അപ്പോള് അവര്
പ്രവര്ത്തിച്ച് കൊണ്ടിരുന്നത് നിമിത്തം വിശപ്പിന്റെയും ഭയത്തിന്റെയും ഉടുപ്പ് അല്ലാഹു ആ
രാജ്യത്തിന് അനുഭവിക്കുമാറാക്കി.
അവരുടെ കൂട്ടത്തില് പെട്ട ഒരു ദൂതന് അവരുടെ അടുത്ത്
ചെല്ലുകയുണ്ടായിട്ടുണ്ട്. അപ്പോള് അവര് അദ്ദേഹത്തെ നിഷേധിച്ചുതള്ളിക്കളഞ്ഞു. അങ്ങനെ അവര്
അക്രമകാരികളായിരിക്കെ ശിക്ഷ അവരെ പിടികൂടി.
ശവം, രക്തം, പന്നിമാംസം, അല്ലാഹു അല്ലാത്തവരുടെ പേരില്
പ്രഖ്യാപിക്കപ്പെട്ടത് എന്നിവ മാത്രമേ അവന് (അല്ലാഹു) നിങ്ങളുടെ മേല് നിഷിദ്ധമാക്കിയിട്ടുള്ളൂ.
വല്ലവനും (ഇവ ഭക്ഷിക്കുവാന്) നിര്ബന്ധിതനാകുന്ന പക്ഷം, അവന് അതിന് ആഗ്രഹം കാണിക്കുന്നവനോ
അതിരുവിട്ട് തിന്നുന്നവനോ അല്ലെങ്കില് തീര്ച്ചയായും അല്ലാഹു ഏറെ പൊറുക്കുന്നവനും
കരുണാനിധിയുമാകുന്നു.
മുമ്പ് നാം നിനക്ക് വിവരിച്ചുതന്നവ ജൂതന്മാരുടെ മേല് നാം
നിഷിദ്ധമാക്കുകയുണ്ടായി. നാം അവരോട് അനീതി ചെയ്തിട്ടില്ല. പക്ഷെ, അവര് അവരോട് തന്നെ അനീതി
ചെയ്യുകയായിരുന്നു.
പിന്നെ തീര്ച്ചയായും നിന്റെ രക്ഷിതാവ്, അവിവേകം മൂലം തിന്മ
പ്രവര്ത്തിക്കുകയും പിന്നീട് അതിന് ശേഷം ഖേദിച്ചുമടങ്ങുകയും (ജീവിതം) നന്നാക്കിത്തീര്ക്കുകയും
ചെയ്തവര്ക്ക് (വിട്ടുവീഴ്ച ചെയ്യുന്നവനാകുന്നു.) തീര്ച്ചയായും നിന്റെ രക്ഷിതാവ് അതിന് ശേഷം ഏറെ
പൊറുക്കുന്നവനും കരുണാനിധിയുമാകുന്നു.
തീര്ച്ചയായും ഇബ്രാഹീം അല്ലാഹുവിന്ന് കീഴ്പെട്ട് ജീവിക്കുന്ന,
നേര്വഴിയില് (വ്യതിചലിക്കാതെ) നിലകൊള്ളുന്ന ഒരു സമുദായം തന്നെയായിരുന്നു. അദ്ദേഹം ബഹുദൈവവാദികളില്
പെട്ടവനായിരുന്നില്ല.
അവന്റെ (അല്ലാഹുവിന്റെ) അനുഗ്രഹങ്ങള്ക്ക് നന്ദികാണിക്കുന്നവനായിരുന്നു
അദ്ദേഹം. അദ്ദേഹത്തെ അവന് തെരഞ്ഞെടുക്കുകയും നേരായ പാതയിലേക്ക് നയിക്കുകയും ചെയ്തു.
നിങ്ങള് ശിക്ഷാനടപടി സ്വീകരിക്കുകയാണെങ്കില് (എതിരാളികളില് നിന്ന്)
നിങ്ങളുടെ നേരെയുണ്ടായ ശിക്ഷാനടപടിക്ക് തുല്യമായ നടപടി നിങ്ങള് സ്വീകരിച്ച് കൊള്ളുക. നിങ്ങള്
ക്ഷമിക്കുകയാണെങ്കിലോ അതു തന്നെയാണ് ക്ഷമാശീലര്ക്ക് കൂടുതല് ഉത്തമം.
നീ ക്ഷമിക്കുക. അല്ലാഹുവിന്റെ അനുഗ്രഹത്താല് മാത്രമാണ് നിനക്ക്
ക്ഷമിക്കാന് കഴിയുന്നത്. അവരുടെ (സത്യനിഷേധികളുടെ) പേരില് നീ വ്യസനിക്കരുത്. അവര് കുതന്ത്രം
പ്രയോഗിക്കുന്നതിനെപ്പറ്റി നീ മനഃക്ലേശത്തിലാവുകയും അരുത്.
1. നിഅ്മത്തുകൾ (അനുഗ്രഹങ്ങൾ):
അല്ലാഹു മനുഷ്യന് നൽകിയ എണ്ണമറ്റ അനുഗ്രഹങ്ങളെക്കുറിച്ച് (ഭക്ഷണം, വസ്ത്രം, പാർപ്പിടം, കന്നുകാലികൾ) ഈ
അധ്യായം വിശദമായി പ്രതിപാദിക്കുന്നു. അതിനാൽ തന്നെ ഇതിനെ 'സൂറത്തുന്നിഅം' (അനുഗ്രഹങ്ങളുടെ അധ്യായം)
എന്നും
വിളിക്കാറുണ്ട്.
2. തേനീച്ച (നഹ്ൽ):
തേനീച്ചയ്ക്ക് അല്ലാഹു നൽകിയ ബോധനത്തെക്കുറിച്ചും (വഹ്യ്), വിവിധ വർണ്ണങ്ങളിലുള്ള തേൻ
ഉൽപാദിപ്പിക്കുന്നതിനെക്കുറിച്ചും ഇതിൽ വിവരിക്കുന്നു. മനുഷ്യർക്ക് ഔഷധമായ ഈ തേനിൻ്റെ ഉൽപാദനം
അല്ലാഹുവിൻ്റെ
വലിയൊരു ദൃഷ്ടാന്തമായി അമാനി തഫ്സീർ വിവരിക്കുന്നു.
3. നീതിയും നന്മയും:
നീതി പാലിക്കാനും നന്മ ചെയ്യാനും കുടുംബബന്ധം പുലർത്താനും അല്ലാഹു കൽപ്പിക്കുകയും, നികൃഷ്ടകൃത്യങ്ങളിൽ
നിന്നും അക്രമങ്ങളിൽ നിന്നും വിലക്കുകയും ചെയ്യുന്ന സുപ്രധാനമായ വചനം (സൂക്തം 90) ഈ അധ്യായത്തിലാണ്.
ഇന്നും
ജുമുഅ ഖുതുബകളുടെ അവസാനത്തിൽ ഈ വചനം ലോകമെങ്ങും ഓതപ്പെടുന്നു.
4. പ്രബോധന ശൈലി:
യുക്തിയോടും സദുപദേശത്തോടും കൂടി മാത്രമേ ജനങ്ങളെ അല്ലാഹുവിൻ്റെ മാർഗ്ഗത്തിലേക്ക് ക്ഷണിക്കാവൂ എന്ന
പ്രബോധന
രീതി ഈ അധ്യായം പഠിപ്പിക്കുന്നു (സൂക്തം 125).